#排隊啦hi
話說，今日好鬼熱，於是我去左排隊買雪糕
排排下見到有兩個大媽喺隊頭想買雪糕
但佢地好似完全見唔到有條隊（係真係見唔到）
佢地眼中只係望住個收銀同D雪糕
眼見佢地拎哂錢準備想畀個收銀買雪糕...
雖然下個都唔係到我，但前面D男人又無打算出聲
於是我好大聲話：後面排隊喎。
結果佢地就去左我後面排隊....
呢件事令我諗起，換轉以前細個既我一定唔會出聲
以前細個我係鵪鶉，點會夠膽話D師奶大媽
但依家我開始步入中女，變成另一個大媽～
搭地鐵D人死迫爛迫我會出聲
排隊D師奶係後面貼實您背脊我都會出聲
喺戲院後面D人好嘈我都會shh佢地或者向後望佢地
（當然如果果個人明顯來者不善我都唔敢多嗲）
其實我發現好多時D人都唔係特登唔排隊
尤其係強國人，好多時佢地係完全ignore左條隊
可能佢地上面對於排隊無咁敏感，意識唔到
所以通常呢D您同佢講佢都會乖乖去排唔會鬧番您轉頭。
喺我心目中，呢D唔識排隊既人其實都唔係最乞人憎
我最憎係果D恃老賣老既中老年人！
成日站巴士一有車，後面果個中年接近老年既人就會推開您
佢地唔會覺得自己打尖，因為佢老您要讓
您唔讓佢就好似會畀雷劈等天收。
又或者係果D從來無諗住排隊，一來就企係站頭既人
我唔鍾意既係佢地恃住自己年紀比您大就唔講禮貌
that's why呢個世界有D老人家係得人尊敬
而有D只係恃老賣老下下用年紀來撻您既活化石。
Search